بالكوميك.. فيس بوك لوزير الاتصالات: هو فين الإنترنت؟

سخر نشطاء موقع التواصل الاجتماعي "فيس بوك" من تصريحات وزير الاتصالات المصري، المهندس عاطف حلمي، التي طالب فيها الشباب المصري بترشيد استخدام الانترنت.

وعلق "Ahmed Sobhy " ساخراً: "هو كمان فيه نت ".

وأردفت "Zeinab Ahmed Shawer ": "هو احنا بنستورد نت ولا اييييه ؟ ".

وعلقت "Eslam Elsarry ": "ما اهوه لو انتوا مشغلين الشباب هيقعد ع النت ليه يا بايخ".

وتابعت "Heba Mohamed " ساخرة: "هوه النت طبيعي عامله حمله ترشيد من نفسه".

وأردف "Mahmoud Elshamy " : "حد يفهموا انها مش كهربا واحمال وكده اصل انا خايف كمان يطلع بعد كام يوم يقولك النت بيتهرب لغزة تبقى فضيحة الموسم".

وتابع "Ahmed Mota ": "ايه هيغلوه هوه كمان ايه هتشيلو الدعم من عليه ههههههههههههههههه".

فيما قال "Ebrahim Elsherbiny": "اصل البيانات مزنوقة ف الكابلات".

وطالب وزير الاتصالات، الشباب بترشيد استخدام الإنترنت، وأرجع الوزير السبب على السنين الأربعة الماضية، بعد ثورة 25 يناير، حيث لم تحدث أي تطويرات فعليه في البنية التحتية للإنترنت في مصر، حيث مازالت الدولة تستخدم الأسلاك النحاسية في توصيل الإنترنت للمنازل على الرغم من تحوُّل أغلب دول العالم إلى تقنية الألياف الضوئية "الفايبر".

يذكر أن عدد من النشطاء على مواقع التواصل الاجتماعي، دشّنوا صفحة على فيس بوك باسم "ثورة الإنترنت – Internet Revolution Egypt" كأحد وسائل الاعتراض على الخدمة في مصر، مطالبين مستخدمي الإنترنت في مصر بإتخاذ خطوات حاسمة ضد شركات الانترنت في مصر.